2000 లో పరీక్ష... 2016లో పోసింగ్‌

 2000 లో పరీక్ష... 2016లో పోసింగ్‌
విజయవాడ, జూలై 30,  
పబ్లిక్‌ సర్వీసు కమిషన్‌ నాన్చుడు ధోరణి వల్ల ఉద్యోగాలు వచ్చేసరికి వయసు విూరిపోతోంది. దశాబ్దాల తరువాత వచ్చే ఉద్యోగాలకు వెళ్లలేని వారు కూడా పెరిగిపోతున్నారు. పిల్లల ఉద్యోగాల వేటలో ఉండాల్సిన తల్లిదండ్రులు కూడా తమ ఉద్యోగ అవకాశాలపై ఆశలు వదులుకోలేకపోతున్నారు. తాజాగా జరుగుతున్న ఘటనలు కూడా ఉదాహరణగా కనిపిస్తున్నాయి. ఎప్పుడో 1999లో ఇచ్చిన ఉద్యోగాల భర్తీ నోటిఫికేషన్‌కు సంబంధించి 2000 సంవత్సరంలో పరీక్షల నిర్వహణ, అదే ఏడాది ఫలితాల వెల్లడి కూడా జరిగింది. అయితే కోర్టు కేసులు, వాటిని పట్టించుకోవడంలో అప్పటి ఎపిపిఎస్‌సి పెద్దల నిర్లిప్తత వంటి కారణాలతో దాదాపు 16 ఏళ్లపాటు ఉద్యోగాల కల్పన జరగలేదు. చివరకు అన్ని పరిష్కారం కావడంతో తాజాగా అర్హులైన వారికి ఏయే శాఖల్లో ఉద్యోగాలు కల్పిస్తున్న జాబితాను విడుదల చేశారు. దీంతో అనేక మంది అభ్యర్ధుల్లో ఆనందం కనిపిస్తున్నప్పటికీ... మరికకొంతమందిలో నిర్లిప్తత చోటుచేసుకుంటోంది. వారిలో అనేక మంది ప్రస్తుతం ఇతర ప్రభుత్వ ఉద్యోగాల్లో సెటిల్‌ అయిపోయారు. ఇప్పుడు ఎపిపిఎస్‌సి ప్రకటించిన శాఖల్లో ఉద్యోగాలకు వెళ్లినా పెద్దగా ఉపయోగం ఉండదని, పైగా కొత్త అంశాలను మొదటి నుంచి నేర్చు కోవాల్సి వస్తుందని వారు చెబుతున్నారు. కొత్త ఉద్యోగంలో సీనియార్టీకి అమలు చేస్తున్నప్పటికీ... ప్రస్తుతం చేస్తున్న ఉద్యో గాన్ని వదులుకునేందుకు వారు ఇష్టపడడంలేదని తెలుస్తోంది. ఇటువంటి వారు సచివాలయంలో కూడా పెద్ద సంఖ్యలోనే ఉన్నారు. చాలామంది సెక్షన్‌ అధికారుల స్థాయిలో, ఇంకొంతమంది అసిస్టెంట్‌ సెక్రటరీ స్థాయిల్లో కూడా ఉన్నారు. వారంతా ఎపిపిఎస్‌సి ఉద్యోగాలకు వెళ్లకూడదనే నిర్ణయించుకున్నారు. ఇలా ఉండగా, తాజాగా ప్రకటించిన జాబితా తప్పుల తడకగా ఉందన్న విమర్శలు వస్తు న్నాయి. ఒకే అభ్యర్ధికి రెండు ఉద్యోగాలు ఇస్తు న్నట్లు కూడా ఎపిపిఎస్‌సి ప్రకటనలో ఉందని అంటున్నారు. ప్రకటించిన జాబితాను ఆన్‌లైన్‌ నుంచి తొలిగించారు. త్వరలోనే తప్పును సరిదిద్ది మళ్లీ జాబితా ప్రకటించాలని భావిస్తున్నారు. కాగా, జాబితాలో కీలక శాఖలకు ఎంపికైన వారు ఆ ఉద్యోగాల్లో చేరేరదుకు విముఖత చూపిస్తుండడంతో జాబితాలో దిగువన ఉన్నవారు పైకి వచ్చే అవకాశాలు కనిపిస్తున్నాయి. అలాగే అనర్హులుగా మిగిలిన వారిలో ఎక్కువ మార్కులు వచ్చిన వారు అర్హుల జాబితాలో స్థానం సంపాదించే అవకాశాలు కూడా ఉన్నాయి. ఇటీవల రాష్ట్ర ప్రభుత్వం ప్రకటించిన పది వేల ఉద్యోగాలకు సంబంధించి విడతలవారీగా నోటిఫికేషన్లు జారీ చేసేందుకు ఎపిపిఎస్‌సి కస రత్తు ప్రారంభించింది. ముందుగా ఇంజనీర్ల భర్తీ కోసం నోటిఫికేషన్‌ జారీ చేయాలని నిర్ణయిం చినట్లు ఎపిపిఎస్‌సి కార్యదర్శి గిరిధర్‌ చెప్పారు.

పెబ్బేరులో రియల్‌ దందా

 పెబ్బేరులో రియల్‌ దందా
మహబూబ్‌ నగర్‌, జూలై 30,  
పాలమూరులో రియల్‌ దందా ఆగడాలు తీవ్రమవుతున్నాయి. ముందు.. ప్రైవేట్‌ స్థలం తీసుకోవడం తర్వాత... పొరంబోకులు, ప్రభుత్వ స్థలాలను కబ్జా చేస్తున్నారు. పెబ్బేరు మండల కేంద్రం నుంచి వనపర్తికి వెళ్లే ప్రధాన రోడ్డులో కొందరు రియల్‌ వ్యాపారులు వివేకానందనగర్‌ పేరుతో ఇటీవల ఏడెకరాల్లో వెంచర్‌ ఏర్పాటుచేశారు. ఆ పక్కనే ప్రభుత్వ భూమి ఉండటంతో వారి కన్ను దీనిపై పడింది. అందూలోనూ దర్జాగా ప్లాట్లను చేసి అమ్మకానికి పెట్టారు. అక్కడ అక్రమంగా పార్కు నిర్మిస్తుండడాన్ని స్థానిక అంబేద్కర్‌కాలనీ వాసులు గమనించారు. వారం రోజుల క్రితమే ఈ పనులను అడ్డుకుని రెవెన్యూ అధికారులకు ఫిర్యాదు చేశారు. ఈ వెంచర్‌లో ఉన్న ప్రభుత్వ స్థలాన్ని సర్వే చేసి హద్దులు ఏర్పాటు చేయాలని కోరారు. సర్వే నం.3లో 14గుంటలు, ఇంకా ఇతర సర్వే నంబర్లలోనూ ప్రభుత్వ భూములున్నా రెవెన్యూ అధికారులు పట్టించుకోవడంలేదని అంబేద్కర్‌ యువజన సంఘం సభ్యులు ఈశ్వర్‌, గోవిందు, రాముడు ఆరోపించారు. కాగా, నాలుగు రోజుల క్రితం సర్వే చేసేందుకుగాను ఆర్‌ఐ లావణ్య, సర్వేయర్‌ రామకష్ణ అక్కడికి వచ్చినా కాసేపు అటు ఇటు తిరిగి పాయింట్‌ దొరకడం లేదంటూ వెళ్లిపోయారు. పెబ్బేరు వనపర్తి ప్రధాన రోడ్‌లో ఉన్న ఈ ప్రభుత్వ భూమి ప్రస్తుతం రూ.లక్షల్లో పలుకుతుండటంతో స్థానిక రెవెన్యూ అధికారులు రియల్‌ వ్యాపారులకు సహకరిస్తున్నారన్న ఆరోపణలు వెల్లువెత్తుతున్నాయి. ఈ విషయమై తహసీల్దార్‌ దత్తాద్రీని వివరణ కోరగా త్వరలో ఆ స్థలాన్ని పకడ్బందీగా సర్వే చేయిస్తామన్నారు. హద్దులు ఏర్పాటుచేసి ప్రభుత్వ భూమిని తమ అధీనంలోకి తీసుకుంటామన్నారు.

ఇప్పటికైనా సాగునీరు అందేనా...

 ఇప్పటికైనా సాగునీరు అందేనా...
మహబూబ్‌ నగర్‌, జూలై 30,
మిషన్‌ కాకతీయలో భాగంగా చెరువుల పునరుద్ధరణ జరిగినా కూడా నీరందని దుస్థితి. కారణం చెరువు నీరు పొలాలకు అందించే కాలువల వ్యవస్థ కూలిపోవడం దీంతో పొలాలకు సాగునీరందడం కష్టంగా మారింది. కాలువల్లో పూడిక నిండడం, పిచ్చి మొక్కలు మొలవడం, కాలువలు కబ్జా గురికావడం ఇలా అనేక కారణాలతో చెరువు నుంచి పంట పొలాలకు సాగు నీరందడం లేదు. నుంచి పంటలకు సాగు నీరందించేందుకు గాను ఏర్పాటు చేసిన కాలువల్లో పిచ్చి మొక్కలు మొలిచి, చెత్తా చెదారం నిండి అధ్వానంగా తయారయ్యాయి. దీంతో పంట పొలాలకు సాగు నీరందండం కష్టంగా మారింది.చెన్నూర్‌ మండలంలోని కాచన్‌పల్లి కొత్త చెరువు నుంచి అంగ్రాజ్‌పల్లి, రాయిపేట గ్రామాలలోని పంట పొలాలకు సాగు నీరందించేందుకు గాను ప్రభుత్వం 30 ఏళ్ల క్రితం కాలువలను తవ్వించింది. ఈ కాలువల ద్వారా అంగ్రాజ్‌పల్లి, రాయిపేట గ్రామాల్లోని సుమారు 500 ఎకరాల పంట పొలాలకు సాగు నీరు అందేది. గత కొన్నేళ్లుగా కాలువల్లో పిచ్చి మొక్కలు మొలిచి, చెత్తా చెదారం నిండిపోవడంతో నీరు వెళ్లే మార్గం లేదు. రెండేళ్ల క్రితం కాలువకు గండిపడటంతో రైతులు ఇసుక బస్తాలను వేసి నీరు వథా కాకుండా చూశారు. ఇంత వరకు కాలువలకు మరమ్మతులు చేపట్టక కాలువల వ్యవస్థ మరీ అధ్వానంగా తయారైంది. కొందరు రైతులు కొన్ని చోట్ల కాలువలను కొద్ది కొద్దిగా చిన్నగా చేస్తూ వస్తున్నారు.కాలువల్లో పేరుకుపోయిన చెత్తా చెదారాన్ని సైతం తొలగించడం లేదని చెబుతున్నారు. దాదాపు మండల వ్యాప్తంగా ఇవే పరిస్థితులు ఉన్నట్లు రైతులు చెబుతున్నారు

కామారెడ్డి లో నకిలీ రిజిస్ట్రేషన్లు

 కామారెడ్డి లో నకిలీ రిజిస్ట్రేషన్లు
నిజామాబాద్‌, జూలై 30, 
సుమారు కోటిన్నర రూపాయలు విలువ చేసే భూమిని నకిలీ ధ్రువపత్రాలతో పాటు పేరు ఒకరిది ఫొటో మరొకరిదితో రిజిస్ట్ట్రేషన్‌ చేసిన సంఘటన కామారెడ్డిలో సంచలనం సృష్టించింది. రిజిస్ట్ట్రేషన్లకు కేరాఫ్‌గా కామారెడ్డి రిజిస్ట్ట్రేషన్‌ కార్యాలయం మారింది. పట్టణంలోని ప్రధాన కాలనీలో గల 30 గుంటల భూమిని హంఫట్‌ చేసిన సంఘటన చోటు చేసుకుంది.పట్టణంలోని సైలానీబాబా కాలనీలో గల సర్వే నెంబర్‌ 142/14 బీ లోని 30 గుంటల భూమి యాజమాని మహమ్మద్‌ సిరాజొద్దీన్‌. 1998లో సిరాజొద్దీన్‌ భూమి కొనుగోలు సమయంలో సాక్షి గా ఉన్న ఖాజామొహినొద్దీన్‌ 2016లో తన కొడుకులు, అల్లుడు పేరు విూద నకిలీ పాస్‌ పుస్తకాలు సృష్టించి 30 గుంటల భూమిని రిజిస్ట్రేషన్‌ చేసు కున్నాడు. రైతులతో పాటు అన్ని సక్రమంగా ఉన్న భూములను సబ్‌రిజిస్ట్ట్రార్‌ కార్యాలయంలో రిజిస్ట్రేషన్‌ చేయడానికి నిబంధనలు విధించే అధికారులు వీటిని మాత్రం గుట్టు చప్పుడు కాకుండా రిజిస్ట్రేషన్‌ చేయడం అనుమానాలకు తావిస్తోంది.. ఆ భూమిని మహమ్మద్‌ ఖాజా మొహినొద్దీన్‌ 3-5-2016 రోజున నకిలీ పత్రాలతో రిజిస్ట్ట్రేషన్‌ చేసుకున్నాడు. సిరాజొద్దీన్‌ పే రు విూద ఉ న్న భూమిని సబ్‌రిజిస్ట్ట్రార్‌ ధ్రువపత్రాలు చూడకుండానే రిజిస్ట్ట్రేషన్‌ చేశారనే ఆరోపణలు న్నాయి. ఈ విషయం తెలుసుకున్న సిరజొద్దీన్‌ పోలీసులకు ఫిర్యాదు చేయడంతో పట్టణ సీఐ శ్రీనివాస్‌రావు ఆధ్వర్యం లోవిచారణ చేపట్టారు. 4-7-2016లో ఖాజా మొహినొద్దీన్‌ల తో పాటు మహమ్మద్‌ అబీబ్‌ఖాన్‌, ఖాజా హరిపొద్దీన్‌, ఖాజా అబిబొద్దీన్‌, ఖాజా హసమిలపై ఐపీసీ సెక్షన్‌ 419, 420, 468, 471, 120-బి సెక్షన్ల కింద కేసులు నమోదు చేశారు. ధ్రువపత్రాలు పాస్‌ పుస్తకాల ఆ ధారంగా ఈ ప్రక్రియ జరిగిందన్నారు. నకిలీ ధ్రువపత్రాలతో పాటు ఫొటోలను మార్చి రిజిస్ట్ట్రేషన్‌ చేశారని టౌన్‌ సీఐ శ్రీనివాస్‌రావు తెలిపారు. నిందుతులపై కేసు నమోదు చేశామన్నారు. 

వామ్మో.44.... 61, 63 రోడ్లా

వామ్మో.44.... 61, 63 రోడ్లా..
అదిలాబాద్‌, జూలై 30,
ఇదేంటి ఇవోదే కొత్త లెక్కలు అనుకుంటున్నారా... నేషనల్‌ హైవే 44, 61, 63 రోడ్లంటే ఆదిలాబాద్‌ జిల్లా వాసులు బెంబేలెత్తిపోతున్నారు. జిల్లాలోని నిర్మల్‌ మండలం సోన్‌ నుంచి జైనథ్‌ మం డలం పిప్పల్‌కోఠి వరకు జాతీయ రహదారి నం.44, తానూర్‌ మండలం బేల్‌ తరోడ నుంచి లక్షెట్టిపేట వరకు హైవే నం.61, దండేపల్లి మండలం గూడెం నుంచి కోటపల్లి మండలం అర్జున్‌గుట్ట వరకు హైవే నం.63 మూడు జాతీయ రహదారులున్నాయి. వీటితో పాటు ముథోల్‌ మం డలం బాసర గోదావరి వంతెన నుంచి భైంసా చెక్‌పోస్టు వరకు, ఖానాపూర్‌ నుంచి బాదన్‌కుర్తి వరకు కొత్తగా జాతీయ రహదారుల పరిధిలోకి చేరుతున్నాయి.
గ్రామాల మధ్యలో నుంచి జాతీయ రహదారి ఉండగా, ఇరువైపులా రాక పోకలకు సర్వీసు రోడ్లు లేవు. ఆదిలాబాద్‌ నుంచి నిర్మల్‌ వెళ్లే బస్సులు కుడి వైపున ఉన్న బస్టాండ్‌లోకి వెళ్లి వస్తుండగా, హైవేపై వేగంగా వచ్చే వాహనాలు ఢీకొంటున్నాయి. బస్టాండ్‌లోకి రాకపోకలు సాగించే ప్రయాణికులకు ప్రమాదాలు జరుగుతున్నాయి. దీంతో ఇటీవల ఆర్టీఓ, ఎన్‌హెచ్‌, ఆర్టీసీ, పోలీసు శాఖల అధికారులతో పాటు స్థానిక ప్రజాప్రతినిధులు సమావేశమై జాతీయ రహదారి మధ్యలో దారిని మూసివేశారు. దీంతో నిర్మల్‌ వైపు వెళ్లే వాహనాలను డొంగర్‌గావ్‌ చౌరస్తాకు వెళ్లి యూటర్న్‌ తీసుకొని బస్టాండ్‌ వచ్చి.. జవహర్‌ నగర్‌ వైపు వెళ్లి అండర్‌ పాస్‌ నుంచి యూటర్న్‌ తీసుకొని మళ్లీ నిర్మల్‌ వైపు వెళ్లాల్సి వస్తున్నది. డొంగర్‌గావ్‌ వద్ద యూటర్న్‌ తీసుకునేప్పుడు ఒకేసారి మలుగక.. రివర్స్‌ తీసుకుంటున్నారు. దీంతో వేగంగా వచ్చే వాహనాలు ఢీ కొట్టే ప్రమాదాలున్నాయి. గుడిహత్నూర్‌ వద్ద రెండు వైపులా సర్వీసు రోడ్లు, అండర్‌ పాస్‌లు లేక పోవడంతో ఈ పరిస్థితి నెలకొంది. జిల్లాలోని ప్రతి గ్రామం వద్ద కూడా ఇలాంటి పరిస్థితే ఉంది. జాతీయ రహదారుల నిర్మాణంలో నిబంధనలు సరిగా పాటించడం లేదు. నాలుగు దశల్లో రోడ్డు భద్రత తనిఖీ చేస్తుండగా.. అసలు డిజైన్‌ కావాలని ఎన్‌హెచ్‌ అధికారులను రవాణా శాఖ అధికారులు పలు మార్లు కోరినా స్పందన లేదు. ఇప్పటికే నిర్మించిన హైవే నం.44, 61కు సంబంధించి నిబంధనలు, ప్రమాణాలు సరిగా పాటించలేదు. ఎక్కడా ప్రయాణికులు, వాహనాలు నేరుగా జాతీయ రహదారిపైకి ఎక్క కూడదు. గ్యాప్‌ ఇన్‌ విూడియం (రహదారిపై డివైడర్‌ అంతరాయం) వచ్చిన చోట అదనపు లైన్‌ తప్పకుండా ఉండాలి. గ్రామస్తులు, ఆర్టీసీ బస్సులు రాక పోకలు సాగించేందుకు సర్వీసు రోడ్లు, అండర్‌పాస్‌లు, అదనపు లైను పెట్టాలి. ఇది జిల్లాలో ఎక్కడా సరిగా అమలు కాలేదు. గ్యాప్‌ ఇన్‌ విూడియం వచ్చిన చోట 200-250విూటర్ల దూరంలో హెచ్చరికలు సూచించే బోర్డులు ఉండాలి. 100విూటర్లకు మరో హెచ్చరిక బోర్డు తప్పని సరిగా పెట్టాలి. రెండు కిలో విూటర్లలోపు ఎక్కడ కూడా గ్యాప్‌ ఇన్‌ విూడియం ఉండకూడదనే నిబంధన ఉంది.విస్తరించిన జాతీయ రహదారులపై గ్రామాలు వచ్చిన చోట సర్వీసురోడ్లు, అండర్‌పాస్‌లు, అదనపు లైన్లు లేవు. వాటి కోసం స్థలం కూడా కేటాయించ లేదు. పెట్రోల్‌ బంక్‌లు ఉన్నచోట యూటర్న్‌, డివైడర్‌ అంతరాయం ఉంది. గ్రామాలు ఉన్న చోట వాహనాలు, ప్రయాణికులు ఇతర పశువులు నేరుగా రోడ్డుపైకి ఎక్కుతున్నాయి. దీంతో 80-100కిలో విూటర్ల వేగంతో వచ్చే వాహనాలు వీరిని ఢీకొడుతున్నాయి. పెద్ద గ్రామాల్లో కూడా సర్వీసు రోడ్లు, అదనపు లైన్లు, అండర్‌ పాస్‌లు లేక పోవడంతో ప్రమాదాలు జరుగుతున్నాయి. ఆదిలాబాద్‌, నిర్మల్‌, భైంసా లాంటి పెద్ద పట్టణాలకు వెళ్లే బైపాస్‌ రోడ్లకు కూడా అదనపు లైన్‌, అండర్‌పాస్‌లు లేక పోవడంతో.. జాతీయ రహదారి నుంచే నేరుగా రాకపోకలు జరుగుతున్నాయి. దీంతో తరచూ ప్రమాదాలు జరుగుతున్నాయి. ఆదిలాబాద్‌లోకి వచ్చే భోరజ్‌, మావల, నిర్మల్‌కు వెళ్లేందుకు బుర్కపల్లి, కర్తాల్‌ వద్ద ఇదే దుస్థితి ఉంది. నిర్మల్‌ మండలం మాదాపూర్‌, గంజాల్‌, ఇచ్చోడ బైపాస్‌లో ఇన్‌, ఔట్‌ రోడ్డు, గుడిహత్నూర్‌, ఆదిలాబాద్‌ బైపాస్‌లో ఇన్‌, ఔట్‌ ఇలాగే ఉండడంతో ప్రమాదాలు జరుగుతున్నాయి. ఇప్పటికే విస్తరించిన జాతీయ రహదారి 61పై బెల్‌తరోడ నుంచి నిర్మల్‌ వరకు ఒక్క చోట కూడా సర్వీసు రోడ్లు, అండర్‌పాస్‌లు లేవు. భోరజ్‌ వద్ద జైనథ్‌ వెళ్లేందుకు సర్వీసు రోడ్డు ఒకే వైపే ఇవ్వడంతో.. ఎడమ వైపునకు వెళ్లాల్సిన వాహనాలు కుడివైపు వచ్చి హైవే ఎక్కడంతో ప్రమాదాలు జరుగుతున్నాయి.
అదిలాబాద్‌ జిల్లాలో తరచూ పెద్ద ఎత్తున ప్రమాదాలు జరుగుతున్నాయి. ఇందుకు సంబంధించి రవాణా శాఖ అధికారులు ప్రమాద స్థలాలను గుర్తించారు. 20కి పైగా ప్రమాదాలు జరిగితే ఏ కేటగిరి, 10 కంటే పైగా జరిగితే బీ, ఐదు కంటే పైగా జరిగితే సీ కేటగిరిగా తీసుకున్నారు. సీ లో జాతీయ రహదారులకు సంబంధించి హైవే నం.44పై గుడిహత్నూర్‌, నిర్మల్‌ మండలం మాదాపూర్‌ ఎక్స్‌రోడ్డు, గంజాల్‌, హైవే నం.61పై మాటేగావ్‌ బస్టాండ్‌, సిర్గాపూర్‌ వద్ద ప్రమాదాలు జరుగుతున్నట్లు గుర్తించారు. హైవే నం.63పై గుడిపేట, పాత మంచిర్యాల, శ్రీరాంపూర్‌ భారత్‌ పెట్రోల్‌ బంక్‌, జైపూర్‌ ప్రభుత్వ కళాశాల, చెన్నూర్‌ మండలం కిష్టంపేటను ప్రమాదాలు జరిగే ప్రాంతాలుగా గుర్తించారు. రాష్ట్ర రహదారులకు సంబంధించి ఏ కేటగిరిలో ఎస్‌హెచ్‌ నం.24 పై బాసర ట్రిపుల్‌ ఐటీ వద్ద, ఎస్‌హెచ్‌ నం.1పై మంచిర్యాలలోని పాత మంచిర్యాల, బెల్లంపల్లి ఎక్స్‌రోడ్డు, బీ కేటగిరిలో ఎస్‌హెచ్‌ 24పై బిదిరెల్లి చెక్‌పోస్టు, రైల్వే స్టేషన్‌, ఎస్‌ఎన్‌ నం.1పై జైపూర్‌ మండలం ఇందారం బస్టాండ్‌, మంచిర్యాలలోని ఎస్‌బీహెచ్‌ ప్రధాన శాఖ, ఎఫ్‌సీఐ గోదాం, మందమర్రి మండలం రమణకాలనీ, సీ కేటగిరిలో జైపూర్‌ మండలం పావునూర్‌ ఎక్స్‌రోడ్డు, ఇందారం ఫారెస్టు చెక్‌పోస్టు, వరలక్ష్మీ రైస్‌ మిల్‌, మంచిర్యాలలోని లక్ష్మీ టాకీస్‌ ప్రాంతాలను గుర్తించారు. ఈ నేపథ్యంలో రవాణా శాఖ అధికారులు వివిధ శాఖలతో సమన్వయం చేసుకొని జాగ్రత్త చర్యలు చేపడుతున్నారు.

52 ఘాట్లలోభారీ ఏర్పాట్లు

  52 ఘాట్లలోభారీ ఏర్పాట్లు

మహబూబ్‌ నగర్‌, జూలై 30,
కృష్ణా పుష్కరాలను ప్రతిష్ఠాత్మకంగా నిర్వహించేందుకు రాష్ట్ర ప్రభుత్వం చర్యలు చేపట్టింది.. ఇప్పటికే పుష్కర ఘాట్లను గుర్తించి, వాటి పనులను ముమ్మరంగా చేపడుతోంది.. తాజాగా ఉత్సవాల్లో వివిధ పూజా కార్యక్రమాలను నిర్వహించేందుకు పురోహితుల నియామకానికి చర్యలు చేపట్టింది.. రాష్ట్ర దేవాదాయ శాఖ ద్వారా దాదాపు రెండు వేల మందిని నియమించేందుకు దరఖాస్తులను స్వీకరిస్తున్నది.. ఇప్పటికే ఇందుకు సంబంధించి 1900 దరఖాస్తులు రాగా, వాటిని అధికార యంత్రాంగం పరిశీలిస్తున్నది.. దీనికితోడు పుష్కర ఘాట్ల వద్ద రూ.వందకే పూజా సామగ్రిని అందజేసేందుకు పకడ్బందీగా ఏర్పాట్లు చేస్తున్నది.. మహిళా సంఘాల ద్వారా సామగ్రిని విక్రయించేందుకు సన్నాహాలు చేస్తోంది.. పిండప్రదానం, గంగాస్నానం తదితర పూజా కార్యక్రమాలకు దేవాదాయ శాఖ కమిషనరేట్‌ ధరలను నిర్ణయించింది.. ఈ ధరలనే పురోహితులకు చెల్లించి, భక్తులు పూజ నిర్వహించాల్సి ఉంటుంది.. ఘాట్ల వద్ద అధిక డబ్బులు వసూలు చేసే వారిపై నిఘా ఉంచి, వారిని వెంటనే విధుల నుంచి తొలగించేలా ప్రణాళికలను సిద్ధం చేస్తోంది..కృష్ణా పుష్కరాల సందర్భంగా జిల్లాలోని 52 ఘాట్లలో దాదాపు రెండు వేల మంది పురోహితులను నియమించేందుకు దేవదాయ శాఖ అధికారులు చర్యలు తీసుకుంటున్నారు. ఈ మేరకు అన్ని ఘాట్లలో పూజ కార్యక్రమ ఏర్పాట్లపై దృష్టి నిలిపిన అధికారులు అందుకు కావాల్సిన అర్చకులను దరఖాస్తుల ద్వారా ఎంపిక చేస్తున్నారు. ఇప్పటి వరకు 1900 అర్చకులు దరఖాస్తులను చేసుకున్నారు. వీరందరికీ దేవాదాయ శాఖ అధికారులు ప్రత్యేక గుర్తింపు కార్డులను జారీ చేయనున్నారు. వీరితో పాటు ప్రతి పుష్కర ఘాట్ల వద్ద 200 మంది దేవాదాయ శాఖ సిబ్బంది విధుల్లో పాల్గొనున్నారు. ప్రతి పూజలోనూ అర్చకులు తీసుకునే ధరలను సైతం ముందుగానే నిర్ణయించారు. ఈ ధరలను ఆయా పుష్కరాల ప్రాంతా ల్లో సూచిక బోర్డుల ద్వారా భక్తులు గుర్తించేలా ఏర్పాట్లు చేయనున్నారు. నిర్ణయించిన ధరల కంటే ఎక్కువ విక్రయించినా, అర్చకులు పూజల పేరుతో ఎక్కువ డబ్బు వసూలు చేసినా విధుల నుంచి వెంటనే తప్పించేందుకు సర్వం సిద్ధం చేశారు.పుష్కరాల్లో నిర్వహించే వివిధ రకాల పూజలకు దేవాదాయ శాఖ కమిషనరేట్‌ కార్యాలయం నుంచి ధరలను నిర్ణయించారు. పిండప్రదానానికి రూ.251, మహాసంకల్ప పూజకు రూ.151, లవణదానానికి రూ.101, సరిగంగ స్నానం,గంగాపూజ,గౌరీ పూజ,మూస వాయినం, ప్రాయచిత్తం,నదీస్నానం,తీర్థ విధులు పూజలకు రూ.51 నిర్ణయించారు. పిండప్రదానాలకు అవసరమయ్యే 19 రకాల సామగ్రిని రూ. వందకే దేవదాయ శాఖ సమకూర్చంది. వీటిని మహిళా గ్రూపుల ద్వారా విక్రయాలు చేయించబోతున్నారు. మరో వైపుఆలయాల్లో రంగులు,క్యూలైన్లు,బారీకేడ్లు,లైటింగ్‌,తడకల పందిళ్లు,షామియానాల ఏర్పాట్లను దేవదాయశాఖ సమకూర్చనుంది. అలంపూర్‌ జోగుళాంబ ఆలయంలో టీటీ డీ నుంచి ప్రత్యేకంగా ధర్మప్రచార పరిషత్‌ ద్వారా పలు భక్తి కార్యక్రమాలు నిర్వహించేందుకు ఏర్పాట్లు చేశారు. భజనలు,హరికథ,అన్నమయ్య కీర్తనలు, ఇతర సాంస్కృతిక కార్యక్రమాలను నిర్వహించేలా ఏర్పాట్లు చేశారు. 

హైద్రాబాద్‌ లో ఇంటి నెంబర్లకు ఎనిమిది డిజిట్లతో కోడ్‌

 హైద్రాబాద్‌ లో ఇంటి నెంబర్లకు ఎనిమిది డిజిట్లతో కోడ్‌
హైద్రాబాద్‌, జూలై 30,
హైద్రాబాద్‌ నగరంలో ఏదైనా అడ్రస్‌ వెతకబోతే... ఆగమయ్యే పరిస్థితి నేడు... అందుకే ఇల్లు కోసం గల్లీ గల్లీ తిరిగే పనిలేకుండా.. ఈజీగా అడ్రస్‌ దొరికేలా బల్దియా స్మార్ట్‌ చిరునామాలను అందుబాటులోకి తేనుంది. దాదాపు రెండు దశాబ్దాలుగా జీహెచ్‌ఎంసీ కసరత్తు చేస్తున్నప్పటికీ నగరంలో ఇంటి నెంబర్ల సులభతరానికి చేస్తున్న ప్రయత్నం కొలిక్కి రావడం లేదు. ఈ నేపథ్యంలో ఎలాగైన నగరవాసులకు సులభమైన ఇంటి నెంబర్లు ఇవ్వాలని రాష్ట్ర ప్రభుత్వం సంకల్పించింది. ఇందులో భాగంగా ఇప్పటికే జిప్పర్‌ సొల్యూషన్స్‌ సంస్థ ఆధ్వర్యంలో నెంబర్లను సులభతరం చేసే ప్రక్రియను చేపట్టారు. గగన్‌మహెల్‌, కూకట్‌పల్లిలోని రెండువార్డుల్లో దీన్ని ప్రయోగాత్మకంగా చేపట్టారు. ఇంటి నెంబర్‌ చెప్పాలంటే.. పదుల సంఖ్యలో అంకెలు.. బైలు.. డ్యాష్‌లు, కామాలు.., అబ్లిక్‌లు ఎట్‌సెట్రా.. వారం రోజులు కఠస్తం చేసినా.. గుర్తుండని అడ్రస్‌. చెప్పేవారికి..వినేవారికి ఇది కష్టమే... అయితే ఇక కఠిన చిరునామాకు చెక్‌ పెట్టనున్నారు. వాహన నెంబర్ల తరహాలో ఎనిమిది అంకెల్లో కోడ్‌ నెంబరు ఇవ్వనున్నారు. స్మార్ట్‌ఫోన్‌లో ఆ నెంబర్‌ను ఎంటర్‌ చేయగానే పూర్తి చిరునామా ప్రత్యక్షమవుతుంది. ఇప్పటికే గగన్‌మహెల్‌, కూకట్‌పల్లిలోని రెండు వార్డుల్లో ప్రయోగాత్మకంగా ఏర్పాటుచేయగా, అందులో స్వల్ప మార్పులు చేస్తూ ఈ కొత్త విధానాన్ని చేపట్టారు. జిప్పర్‌ అప్లికేషన్స్‌ సంస్థ ఆధ్వర్యంలో అడ్మినిస్ట్రేటివ్‌ స్టాఫ్‌ కాలేజ్‌ ఆఫ్‌ ఇండియా (ఆస్కీ) సహకారంతో ప్రత్యేకంగా ఓ మొబైల్‌ అప్లికేషన్‌ను రూపొందిస్తోంది. ఇప్పటికే గగన్‌మహల్‌, కూకట్‌పల్లి వార్డుల్లో ప్రయోగాత్మకంగా ఏర్పాటు చేయగా... ప్రస్తుతం స్వల్ప మార్పులతో తుదిరూపం ఇవ్వనున్నారు. నాలుగు ఆంగ్ల అక్షరాలు, మరో నాలుగు అంకెల రూపంలో మొత్తం ఎనిమిది డిజిట్లలో ఈ కోడ్‌ ఉండనుంది. కోడ్‌ను మొబైల్‌ యాప్‌లో టైప్‌ చేయగానే చిరునామా వివరాలు ప్రత్యక్షమయ్యేలా తయారు చేస్తున్నారు. అక్షరాలు రోడ్డు నంబర్లను... అంకెలు ఇంటి నంబర్లను సూచించనున్నాయి. గూగుల్‌ మ్యాప్‌కు కూడా దీన్ని అనుసంధానం చేయనున్నారు. స్మార్ట్‌ఫోన్‌ లేకుంటే ఎస్‌ఎంఎస్‌ పం పినా అడ్రస్‌ తెలిసేలా టోల్‌ ఫ్రీ నంబర్‌ను అందుబాటులోకి తేనున్నారు. నెల రోజు ల్లో పూర్తి డేటాను సేకరించి దశలవారీగా అమలు చేయనున్నారు.ఈ కోడ్‌ నెంబర్‌ను మొబైల్‌ యాప్‌లో ఎంటర్‌ చేయగానే చిరునామా ప్రత్యక్షమవుతుంది. గూగుల్‌ మ్యాపింగ్‌తో కూడా దీన్ని అనుసంధానం చేస్తున్నారు. ప్రాంతాలవారీగా వీధుల ప్రారంభంలో బోర్డులు ఏర్పాటు చేసి ఏ ఇంటి నెంబరు నుంచి ఏ ఇంటి నెంబరు వరకు ఆ వీధిలో ఉన్నాయో సూచిస్తారు. కొత్త నెంబర్లలో నాలుగు ఆంగ్ల అక్షరాలు, మరో నాలుగు అంకెలు(నెంబర్లు) ఉంటాయి. నాలుగు ఆంగ్ల అక్షరాల్లో రెండు ప్రధాన రహదారిని, మిగిలిన రెండు అనుబంధ రహదారిని సూచిస్తాయి. అలాగే, నాలుగు అంకెల్లో రెండు ప్రధాన ఇంటి నెంబర్‌ను, మిగిలిన రెండు అనుబంధంగా ఉండే ఇంటి నెంబర్లను సూచిస్తాయి. ప్రతి వంద విూటర్ల వరకు రోడ్డును ఒక సెగ్మెంట్‌గా పరిగణిస్తారు. ఇంగ్లీష్‌ లెటర్స్‌, 1 నుంచి 8 అంకెలను ఈ కోడ్‌లో ఉపయోగిస్తారు. ఉదాహరణకు మూసారంబాగ్‌లోని ఒక అపార్ట్‌మెంట్‌కు నెంబర్లు కేటాయించాలనుకుంటే.. అందులో ముందుగా విజయవాడ వెళ్లే రహదారికి ంం అని, అలాగే దానికి అనుబంధంగా వెళ్లే సబ్‌రోడ్‌కు ఃః అని,అపార్ట్‌మెంట్‌కు 01గా, అందులోని మూడో నెంబరు ఫ్లాట్‌కు 03గా కేటాయిస్తారు. మొత్తంగా ంంఃః0103 అని ఉంటుంది. ఒకవేళ ఇండిపెండెంట్‌ ఇల్లయితే ంంఃః0100గా ఉంటుంది. ఈ నెంబర్‌ను స్మార్ట్‌ఫోన్‌లో సంబంధిత యాప్‌లో ఎంటర్‌ చేయగానే ఇంటి చిరునామా వివరాలు, ఎలా వెళ్లాలో కూడా గూగుల్‌ మ్యాప్‌ ద్వారా వివరంగా వస్తుంది. నేవిగేషన్‌ సెట్‌ చేసుకుంటే గూగుల్‌ మ్యాప్‌ద్వారా సులభంగా ఇంటికి చేరుకునే అవకాశం ఉంటుంది. స్మార్ట్‌ఫోన్‌ లేకుంటే మామూలుగా ఎస్‌ఎంఎస్‌ పంపినా వెంటనే చిరునామా ఎస్‌ఎంఎస్‌ రూపంలో వస్తుంది. దీనికోసం త్వర లో టోల్‌ఫ్రీ నెంబరు కూడా ఇవ్వాలని నిర్ణయించారు.