సోషల్‌ సైట్స్‌ లో కాజల్‌ హల్‌ చల్‌...

 సోషల్‌ సైట్స్‌ లో కాజల్‌ హల్‌ చల్‌...
ముంబై, జూలై 30,
అందాలతో మత్తెక్కించే కాజల్‌ని ఈ మధ్య వరుస ఫ్లాపులు పలకరించడంతో కాస్త డీలా పడింది. అయితే వెంటనే తమిళం, తెలుగు సినిమాలకు సంబంధించి కొన్ని ఆఫర్లు రావడంతో ఈ అమ్మడి ఆనందం అవధులు దాటింది. ఆన్‌స్క్రీన్‌లోనే కాక ఆఫ్‌స్క్రీన్‌లోను ఈ అమ్మడు చేసే హంగామాని చూసి ఫ్యాన్స్‌ నోళ్ళెల్లబెడుతున్నారు. తమిళంలో విక్రమ్‌ సరసన గరుడ చిత్రంలో నటించనున్న కాజల్‌, అజిత్‌ మూవీలోను కథానాయికగా ఛాన్స్‌ కొట్టేసింది. అజిత్‌ మూవీకి ఇద్దరు కథానాయికలు కావలసి ఉండగా, అందులో ఒకరిగా అనుష్కను తీసుకున్నారు., మరో భామగా కాజల్‌ని ఎంపిక చేశారు. విదేశాలలో జరగనున్న ఈ చిత్రం త్వరలోనే సెట్స్‌ పైకి వెళ్ళనుంది. ఇక తెలుగులో తేజ సినిమాతో పాటు ఎన్టీఆర్‌ సినిమాలోను నటించనుంది కాజల్‌. విక్రమ్‌, అజిత్‌ చిత్రాలతో పాటు జీవా హీరోగా తెరకెక్కుతున్న కావలై వేండమ్‌ అనే మూవీని చేస్తోంది కాజల్‌. ఈ మూవీ ప్రస్తుతం సెట్స్‌పై ఉండగా, ఈ సినిమాకు సంబంధించిన ఫోటోలను ఎప్పటికప్పుడు సోషల్‌ విూడియా ద్వారా షేర్‌ చేస్తోంది. ఇక జీవాతో ఈ అమ్మడు చేసిన హంగామాని చూసి అభిమానులు ముక్కున వేలేసుకుంటున్నారు. జీవాతో పాటు పలు టూరిస్ట్‌ ప్లేస్‌లకు వెళుతున్న కాజల్‌ అక్కడి అందాలను తన కెమెరాలో బంధించి సోషల్‌ సైట్స్‌లో పోస్ట్‌ చేస్తోంది. మొత్తానికి కాజల్‌ చేస్తోన్న ఈ సందడికి కారణం వరుస ఆఫర్లు రావడమే అని కొందరంటుంటే , మరో కారణం ఉండి ఉంటుందని ఇంకొందరి వాదన. ఏదేమైన ప్రస్తుతం ఈ అమ్మడు చేసే ఎంజాయ్‌మెంట్‌ టాపిక్‌ ఆఫ్‌ది టౌన్‌గా మారింది.

రాయుడుకు మంచి స్పందన : విశాల్‌

  రాయుడుకు మంచి స్పందన : విశాల్‌
సినీ జీవితంలో 'రాయుడు' ఓ ప్రత్యేకమైన చిత్రమని హీరోగా విశాల్‌ అన్నాడు. శ్రీదివ్య, విశాల్‌ హీరోగా నటించిన ఈ సినిమా ఇటీవల విడుదలై విజయవంతంగా ప్రదర్శితమవుతుంది. విశాల్‌ మాట్లాడుతూ '' తెలుగు, తమిళం నుంచి మంచిస్పందన వస్తుంది. ఈ చిత్రంలో రాయుడు పాత్రనే అందరూ బాగా గుర్తు చేసుకుంటున్నారు. నేను చేసిన ప్రయత్నంలో నాకు వచ్చిన గెలుపే ఈ చిత్రం. ముత్తయ్య దర్శకత్వంలో వచ్చి మూడో సినిమా ఇది. తను బెస్ట్‌ సినిమాను రూపొందించారు. తెలుగు, తమిళంలో నా కెరీర్‌లోనే బెస్ట్‌ మూవీ రాయుడు నిలిచింది. దీంతో విలేజ్‌ బ్యాక్‌డ్రాప్‌లో మరిన్ని సినిమాలు చేయాలనుకుంటున్నాను. అలాగే ముత్తయ్య దర్శకత్వంలో మరో సినిమాను వచ్చే ఏడాది చేయడానికి ప్రయత్నిస్తాను. సినిమా థియేటర్‌లో ఆడియెన్స్‌ నుంచి వస్తోన్న స్పందన చూసి 'పొగరు' సినిమా గుర్తుకొస్తుంది. 'పందెంకోడి'లో నేను చేసిన యాక్షన్‌ సీక్వెన్స్‌లనే రిఫరెన్స్‌గా ఇప్పటి వరకూ తీసుకుంటూ వచ్చాను. 'రాయుడు' సినిమాలో అనల్‌ అరసుగారు అద్భుతమైన యాక్షన్‌ సీక్వెన్స్‌లను కంపోజ్‌ చేశారు. దాంతో ఇప్పటి నుంచి నా భవిష్యత్తు చిత్రాలకు ఈ సినిమా యాక్షన్‌ పార్టునే రెఫరెన్స్‌గా తీసుకుంటాను.ఈ సినిమా సక్సెస్‌తో బాధ్యతలు మరింత పెరిగాయి. తెలుగు ప్రేక్షకులు నా మొదట సినిమాను సమయంలో ఎలా ఆదరించారో ఇప్పుడూ అలాగే ఆదరిస్తున్నారు. నాన్న గారు పందెంకోడి సినిమాకు చేసిన ప్రయత్నమే నన్ను ఇంత వరకూ నడిపించింది'' అని అన్నారు.

మూడేళ్ల నుంచి నేను సింగిలే..

  మూడేళ్ల నుంచి నేను సింగిలే...

టెన్నిస్‌ లో సింగిల్స్‌, మిక్స్‌ డ్‌ డబుల్స్‌ అనే టోర్నమెంట్స్‌ ఉంటాయి. సినిమా తారలకూ ఆ రూల్‌ వర్తిస్తుంది. ఇక్కడా సింగిల్‌ గా ఉండేవాళ్లూ, మిక్స్‌ డ్‌ డబుల్స్‌ అంటే జంటగా ఉండేవాళ్లూ ఉన్నారు. సింగిల్‌ గా కంటే ...పెళ్లి చేసుకోకుండా జంటగా ఉండేందుకు ఇష్టపడేవాళ్లూ ఉన్నారు. అయితే, కొందరు పైకి చెప్పరు. కొందరికి పబ్లిసిటీ ఇష్టం. నిన్నగాక మొన్న హీరోయిన్‌ సమంత తన మనసులో మాటను బయటకు చెప్పి అందరిని ఆశ్చర్యింపజేసింది.సమంత తాజాగా ఓ ఇంటర్వ్యూలో 'నేను సింగిల్‌ గా ఉన్నానని ఎవరన్నారు?' అని ఓపెన్‌ స్టేట్‌ మెంట్‌ ఇచ్చేసి, అందరినీ స్టన్‌ చేసేసింది. లేటెస్ట్‌ గా హీరోయిన్‌ కాజల్‌ కూడా అలాంటి స్టేట్‌ మెంట్‌ ఒకటి ఇచ్చింది. అయితే సమంత చెప్పిందానికి ఇది రివర్స్‌ లో ఉంది. 'మూడేళ్ల నుంచీ సింగిల్‌ గా ఉంటున్నా'నని చెప్పి అందర్నీ ఆశ్చర్యంలో ముంచేసింది కాజల్‌ అగర్వాల్‌. ఇప్పుడు ఆమె మాటల్ని రకరకాలుగా తీసుకుంటున్నారు . ఇప్పుడు సింగిల్‌ గా ఉందంటే ఇంతక ముందు తప్పకుండా ఎవరితోనో ఉంటోందనే అర్థమా అని కొందరు అంటున్నారు.కాజల్‌ మాటల్ని మరికొందరు ఇంకోవిధంగా సాగదీస్తున్నారు. ఇప్పుడు సింగిల్‌ గా ఉంటున్నానని చెప్పిన కాజల్‌ మూడేళ్ల క్రితం ఎఫైర్‌ లో ఉన్నదీ చెప్పలేదు. మళ్లీ నచ్చిన వ్యక్తి దొరికితే డీప్‌ లవ్‌ లో పడతానని కూడా చెప్పింది. బట్‌... సినిమా ఇండస్ట్రీకి చెందిన వాళ్లను పెళ్లి చేసుకోనని, మరో ఫీల్డ్‌ కు చెందిన వాళ్లయితే అనుబంధం పెరుగుతుందని చెప్పింది. లైఫ్‌ లో తానంత రొమాంటిక్‌ కాదని, నిద్రలేచిన దగ్గర్నుంచి ఐ లవ్‌ యూ చెప్పడం తనవల్ల కాదని అంది. సింగిల్‌ గా ఉంటున్నానని కాజల్‌ చెప్పినా....ఎట్‌ ప్రెజెంట్‌ దుబాయ్‌ బిజినెస్‌ మేన్‌ తో లవ్‌ లో ఉందని బాలీవుడ్‌ లో అనుకుంటున్నారు.

సత్యాగ్రహి పై వీడని సస్పెన్స్‌

పవన్‌కళ్యాణ్‌తో చేసే సినిమా సత్యాగ్రహి కి డైరక్టర్‌ ఫైనల్‌ అయ్యాడని దర్శకరత్న దాసరి నారాయణరావు ప్రకటించినప్పటికీ ఈ సినిమాపై సస్పెన్స్‌ ఇంకా కొనసాగుతూనే ఉంది. చాలా రోజుల క్రిందట పవన్‌కళ్యాణ్‌తో చేయబోయే సినిమా గురించి దాసరి అనౌన్స్‌ చేశారు. అయితే సినిమా ఇంకా పట్టాలెక్కలేదు.
దాసరి నారాయణరావు పొలిటికల్‌గా ఎప్పుడంటే అప్పుడు వార్తల్లో ఉంటున్నారు. ఆయన కేంద్ర మంత్రిగా కూడా పనిచేశారు. బొగ్గు కుంభకోణంలో
ఆరోపణలు ఎదుర్కొంటున్నారాయన.
పవన్‌కళ్యాణ్‌ జనసేన పార్టీ పెట్టి, రాజకీయాల్లో కొంచెం యాక్టివ్‌గానే ఉన్నారు. వీరిద్దరి కాంబినేషన్‌లో సినిమా ఖచ్చితంగా పొలిటికల్‌ బ్యాక్‌డ్రాప్‌లోనే ఉండాలి.
కానీ దాసరి నారాయణరావు, రాజకీయాలతో సంబంధం లేకుండా మంచి మెసేజ్‌ ఇచ్చే కమర్షియల్‌ ఎంటర్‌టైనర్‌నే పవన్‌తో నిర్మిస్తానని చెప్పారు.
అయినప్పటికీ పొలిటికల్‌ టచ్‌పై ఊహాగానాలు ఆగడంలేదు. తాజా ఖబర్‌ ఏంటంటే పవన్‌ ఎప్పుడో చేయాల్సిన 'సత్యాగ్రహి' సినిమానే దాసరి నారాయణరావు నిర్మాతగా చేయబోతున్నాడని. దీనికి త్రివిక్రమ్‌ శ్రీనివాస్‌ దర్శకత్వం వహించవచ్చునట. ఇది 2019 ఎన్నికలకు పవన్‌కళ్యాణ్‌ పొలిటికల్‌ ప్రిపరేషన్‌లా ఉంటుందని వినికిడి. అతి త్వరలోనే ఈ సినిమా అధికార విశేషాలు వెల్లడవుతాయి.

హైద్రాబాద్‌ లవ్‌ స్టోరీ

రాహుల్‌ రవీంద్రన్‌, రేష్మి మీనన్‌, జియా హీరో హీరోయిన్లుగా రూపొందుతోన్న చిత్రం 'హైదరాబాద్‌ లవ్‌ స్టోరీ'. రాజ్‌ సత్య దర్శకత్వంలో ఎస్‌.ఎన్‌.రెడ్డి ఈ
చిత్రాన్ని నిర్మించారు.ఈ చిత్రం ప్లాటినమ్‌ డిస్క్‌ వేడుక సినిమా ఆడియో ప్రసాద్‌ ల్యాబ్స్‌లో జరిగింది. ఈ కార్యక్రమంలో సి.కల్యాణ్‌ మాట్లాడుతూ ''నిర్మాత
ఎస్‌.ఎన్‌.రెడ్డి, నేను కలిసి రియల్‌ ఎస్టేట్‌ వ్యాపారం చేశాం. ఇప్పుడు ఇద్దరం సినిమా ఇండిస్టీలోకి ఎంటరయ్యాం. ఈ సినిమాతో రాహుల్‌కు మంచి బ్రేక్‌
రావాలి. దర్శకుడు రాజ్‌ సత్య కష్టం తెరపై కనపడుతుంది. విజువల్‌గా సినిమా చాలా గ్రాండ్‌గా ఉంది.'' అని అన్నారు. రాహుల్‌ రవీంద్రన్‌ మాట్లాడుతూ
''మంచి టీంతో కలిసి వర్క్‌ చేశాను. ఈ బ్యూటీఫుల్‌ ఎక్స్‌ పీరియెన్స్‌ను మరచిపోలేను. నిర్మాత రెడ్డిగారు క్వాలిటీ విషయంలో ఎక్కడా కాంప్రమైజ్‌ కాకుండా సినిమాను నిర్మించారు. వచ్చే నెల సినిమా విడుదలకు ప్లాన్‌ చేస్తున్నాం. సునీల్‌ కశ్యప్‌ పాటలకు మంచి ఆదరణ లభించింది. అలాగే ఇప్పుడు సినిమానూ ఆదరించాలని కోరుకుంటున్నాను'' అని తెలిపారు 

అంధురాలుగా కాజల్‌ అగర్వాల్‌

గతంలో ఏ చిత్రం చూసినా ఆ సినిమాలో ఉన్న పాత్రల్లో నటులు ఒదిగిపోయేవారు. సినిమాలో పాత్రలే వారిని నడిపించేవి. ఇప్పుడు ఆ ట్రెండ్‌ లేదు. హీరో, హీరోయిన్లు బట్టి పాత్రలు, కథలు రాసేస్తున్నారు. చిత్రసీమలో ఏ హీరోయిన్‌ను చూద్దామన్నా ఎంత గ్లామర్‌గా ఆ సినిమాలో నటించాం? హీరోకి పోటీ ఇవ్వగలిగామా? లేదా? అన్న దానిపై బేరీజు వేసుకుంటున్నారు గానీ ఆ పాత్రకు న్యాయం చేశామా? లేదా? అన్న దాన్ని కాదు.
కొందరు ఇప్పటికీ పాత్రంటే ప్రాణమిచ్చే వాళ్లూ ఉన్నారు. బాలీవుడ్‌, కోలీవుడ్‌ల్లో వీరి సంఖ్య ఎక్కువగా ఉంటుంది. కాజల్‌ అగర్వాల్‌ కూడా తన గ్లామర్‌ను
పక్కపెట్టి ఓ సాహసోపేతమైన పాత్ర చేస్తోంది. బాలీవుడ్‌లో రూపొందుతోన్న 'దో లఫజోన్‌ కి కహాని' చిత్రంలో ఈమె అంధురాలుగా నటిస్తుంది. బాలీవుడ్‌లో
అవకాశాలు సంపాదించుకోవడం కోసం చేస్తున్న ఈ ప్రయత్నం తన కెరీర్‌లో ఓ చాలెజింగ్‌ పాత్ర అనే చెప్పాలి. ఈ క్యారెక్టర్‌లో నటించేందుకు ఆమె అనేక
ప్రదేశాలను పరిశీలించింది. వాటి గురించి ఆమె మాట్లాడుతూ '' నేను చాలా చోట్ల పరిశీలించాను. హెలెన్‌ కెల్లర్‌ రాసిన పుస్తకాలు చదివాను. అంధుల పాత్రలు
ఉన్న అనేక సినిమాలు చూశాను. ఓ వర్క్‌షాప్‌కు వెళ్లాను. సెయింట్‌ ఎక్స్‌వేయిర్స్‌ కాలేజీ స్పెషల్‌ బ్రాంచ్‌కి వెళ్లాను. అక్కడ నాకర్థమైంది అంధుల
జీవితమంటే ఏమిటి? వాళ్ల అలవాట్లు ఎలా ఉంటాయి. వాళ్లు నిత్యం ఏం చేస్తుంటారు అని. అక్కడ డాక్టర్‌ సామ్‌, కాల్‌వీన్‌ ఇద్దరూ నాకు అన్ని విషయాలు వివరించారు.
బ్రెయిలీ లిపి, అంధులు వాడే ప్రత్యేక కంప్యూటర్‌, ఆడియో మిషీయన్‌, మైక్రోవేవ్స్‌, సెల్‌ఫోన్స్‌ గురించి వాళ్లు వివరించారు. అంధురాలుగా ఆ పాత్రలో ఎలా చేయాలో నాకు సహాయ పడింది వాళ్లే. కాల్‌వీన్‌ అయితే నాకు కర్ర పట్టుకుని మరీ నడిపించారు. ఓ నిజమైన అంధురాలకు ఎలాంటి భావన ఉంటుందో
అటువంటి భావనకు నేనూ లోనయ్యాను. ఓ దశలో నన్ను నేను కంట్రోల్‌ చేసుకోలేకపోయాను. అంతలా బాధ అనిపించింది. ఈ చిత్రంలో నా పాత్ర
ప్రముఖంగా నిలుస్తుందని ఆశిస్తున్నాను'' అని అన్నది కాజల్‌. రణదీప్‌ హుడా కథానాయకుడు. దీపక్‌ తిజోరి దర్శకుడు. ఈ సినిమా జూన్‌ పదో తేదీన
విడుదల కానుంది. 

కాసుల వర్షం కురిపిస్తున్న '24'

కోలీవుడ్‌ హీరో సూర్య %--% ప్రయోగాత్మక చిత్రాల దర్శకుడు విక్రమ్‌ కుమార్‌ కాంబినేషన్‌లో తెరకెక్కించిన 24 మూవీ గత శుక్రవారం భారీ అంచనాల మధ్య
ప్రేక్షకుల ముందుకు వచ్చింది.ఈ సినిమా కూడా ప్రేక్షకులు పెట్టుకన్న అంచనాలను మించి ఉండడంతో అటు తమిళ ప్రేక్షకులతో పాటు తెలుగు ప్రేక్షకులు కూడా ఈ సినిమాకు కాసుల వర్షం కురిపిస్తున్నారు.
సూర్య తాజా ద్విభాష చిత్రం '24' బాక్సాఫీసు వద్ద కాసుల వర్షం కురిపిస్తోంది. 'టైమ్‌ ట్రావెల్‌' అనే వినూత్న అంశంతో 'సైన్స్‌-ఫిక్షన్‌'గా తెరకెక్కిన ఈ
సినిమాకు ప్రేక్షకుల నుంచి మంచి స్పందన లభిస్తోంది. సూర్య అదుÄతేమైన అభినయం, దర్శకుడు విక్రమ్‌ కుమార్‌ స్క్రీన్‌ప్లే ప్రతిభ ఈ సినిమాను హిట్‌
జాబితాలో చేర్చింది.
మంచి రివ్యూలు, ప్రేక్షకుల నుంచి సానుకూల టాక్‌ సాధించిన ఈ సినిమా అనుకున్నట్టుగానే బాక్సాఫీసు వద్ద భారీ కలెక్షన్లు రాబడుతోంది. ఇటు
తెలుగులోనూ, అటు తమిళంలోనూ తొలి వీకెండ్‌లో '24' భారీ వసూళ్లు తెచ్చుకున్నట్టు సమాచారం.ఇక, ఓవర్సీస్‌ మార్కెట్‌ విషయానికొస్తే ఈ సినిమా
అరుదైన రికార్డును సాధించింది. తొలి వీకెండ్‌లోనే '24' సినిమా ఉత్తర అమెరికాలో మిలియన్‌ డాలర్ల వసూళ్లు రాబట్టింది. ఓవర్సీస్‌లో మిలియన్‌ డాలర్ల కలెక్షన్లు సాధించిన తొలి సూర్య సినిమా ఇదే కావడం గమనార్హం.
ఉత్తర అమెరికాలో మిలియన్‌ డాలర్ల కలెక్షన్లు సాధించిన తొలి సూర్య సినిమాగా '24' రికార్డు స ష్టించింది. ఈ విషయాన్ని ఉత్తర అమెరికాలో ఈ చిత్రాన్ని
పంపిణీ చేస్తున్న సినీగెలాక్సీ ఇంక్‌ తాజాగా వెల్లడించింది. సమంత, నిత్య మీనన్‌ హీరోయిన్లుగా తెరకెక్కిన '24'లో సూర్య మూడు పాత్రల్లో కనిపించి
అబ్బురపరిచాడు.అతడి నటనా నైపుణ్యం ప్రేక్షకుల నుంచే కాదు.. విమర్శకుల నుంచి ప్రశంసలందుకుంటున్నాడు.

ఛాన్సులు తగ్గిన రెజీనా

రెజీనాను టాలీవుడ్‌ పక్కకు పెట్టిందా ? ఇప్పుడు ఇదే హాట్‌ న్యూస్‌ ఫిలింనగర్‌ లో హల్‌ చల్‌ చేస్తోంది. గత ఏడాది రెజీనా స్పీడ్‌ చూసిన వారు ఈమె టాప్‌
హీరోయిన్‌ ల లిస్టులోకి చేరిపోతుంది అని అనుకున్నారు. బట్‌ ఇప్పుడు సీన్‌ వేరేగా వుంది..అందం అభినయం రెండు వున్న ఈ పిల్లకు కాలం మాత్రం
కలసి రావటం లేదు
రెజినా ఈ పిల్ల గురించి ఏం చెప్పుతాం...అన్ని వున్న టాలీవుడ్‌ ఈ పిల్లకు కలసిరావటం లేదు అనటం తప్ప..ఫస్ట్‌ మూవితోనే వారు వీరు అని తేడా
లేకుండ అందరిని ఇంప్రెస్‌ చేసింది..దాంతో వరసు అవకాశాలను అందిపుచ్చుకుంది..యంగ్‌ హీరోస్‌ కు ఈ పిల్లే బెస్ట్‌ అనిపించింది..దాంతో ఈ పిల్లకు టాలీవుడ్‌ లో మంచి భవిష్యత్‌ వుంటుంది అనుకున్నారు అందరు
రెజినా నటించిన 'సుబ్రమణ్యం ఫర్‌ సేల్‌' లో ఒక పక్క గ్లామర్‌ మరో పక్క అభినయంతో ఫుల్‌ మార్కులు కొట్టేయడంతో ఇక ఆమెకు టాప్‌ హీరోల పక్కన
ఛాన్సులు వస్తాయని విశ్లేషకులు అంచనాలు వేసారు. అయితే ఒక్క 'సౌఖ్యం' సినిమా ఫెయిల్యూర్‌ ఆమె కెరీర్‌ కు అనుకోని షాక్‌ ఇచ్చి బ్రేక్‌ వేసింది
సౌఖ్యం సినిమాలో హీరో గా నటించిన గోపీచంద్‌ కు వరుసగా సినిమాలు వస్తున్నాయి కాని రెజీనాకు మాత్రం అవకాశాలు రావడం పూర్తిగా తగ్గి పోయింది.
ఆశ్చర్యకరమైన విషయం ఏమిటంటే ప్రస్తుతం తెలుగులో ఆమె చేతిలో ఒకే ఒక్క సినిమా మాత్రమే ఉంది.
రెజినా ప్రస్తుతం అవసరాల శ్రీనివాస్‌ దర్శకత్వంలో తీస్తున్న 'జో అచ్యుతానంద' లో ఆమె హీరోయిన్‌ గా నటిస్తోంది. ఇది తప్ప రెజీనాకు ఒక్క సినిమా కూడ
లేదు. మెగా యంగ్‌ హీరోలతో వరుసగా మూడు సినిమాలు చేసిన రెజీనాను అదే మెగా యంగ్‌ హీరోలు ప్రస్తుతం పక్కకు పెట్టేస్తున్నారు అన్న వార్తలు
వినపడుతున్నాయి.
క్యూట్‌ అందాలతో పాటు హాట్‌ అందాలకు కూడ కేర్‌ ఆఫ్‌ అడ్రస్‌ అయిన రెజినాని పక్కన పెట్టటానికి రకరకాల కారణాలు కూడ ప్రచారంలో ఉన్నా యి.
మీడియం రేంజి సినిమాల నుంచి భారీ బడ్జెట్‌ సినిమాల హీరోయిన్‌ గా రెజీనా ఎదుగుతుంది అనుకుంటే అసలు తెలుగులో సినిమాలే లేని పరిస్థితిలో
రెజీనా ఉంది అన్న కామెంట్‌ లు వినిపిస్తున్నాయి.
ఈ డస్కీ బ్యూటీకి ఇప్పటికే 27 ఏళ్లు వచ్చేసిన నేపధ్యంలో మరో రెండేళ్లు గడిస్తే రెజీనా కెరియర్‌ ముగిసి పోయే నేపధ్యంలో ఆమెకు ఇలా అవకాశాలు
రాకపోవడం వెనుక ఏమైనా రాజకీయాలు ఉన్నాయా అన్న కోణంలో కూడా వార్తలు వస్తున్నాయి. అంతే కాదు ఈ పిల్ల లవ్‌ వ్యవహారం కూడ ఓ రీజన్‌ అని
అంటున్నారు..ఈ వార్తలో ఎంత వరకు నిజం వుందో తెలియక పోయిన..రెజినా మాత్రం టాక్‌ ఆప్‌ ద టాలీవుడ్‌ అయ్యింది
అందం అభినయం రెండూ ఉన్న రెజీనాకు ఆశించిన స్థాయిలో అవకాశాలు రాకపోవడం ఆమె దురద ష్టం అంటూ మరి కొందరు కామెంట్‌ చేస్తున్నారు.
అయితే ప్రస్తుతం ఈమె కోలీవుడ్‌ లో మూడు సినిమాలు చేస్తున్న నేపధ్యంలో ఈమె నెమ్మదిగా కోలీవుడ్‌ లో సెటిల్‌ అయిపోయే అవకాశాలు ఉన్నాయి
అని అంటున్నారు.. చివరికి ఈ కధ ఏ కంచికి చేరుతుందో తెలియాలి అంటే కొనాళ్లు ఆగుతే సరిపోతుంది. 

రకుల్‌ పెళ్లి ముచ్చట్లు

టాలీవుడ్‌ స్టార్‌ హీరోయిన్‌ గా అతి తక్కువ టైంలోనే అందరి మనసులను దోచేసింది రకుల్‌ ప్రీత్‌ సింగ్‌. కెరియర్‌ కి అప్పుడే ఫుల్‌ స్టాప్‌ పెట్టేసి పెళ్లి
చేసుకోబోతుందా అంటే అలా ఏం లేదు కాని రీసెంట్‌ గా రకుల్‌ ఓ స్పెషల్‌ చిట్‌ చాట్‌ లో పాల్గొని తన పెళ్లి వార్తల గురించి చాలా చాలా చెప్పింది.
హాట్‌ అందాలకు కేర్‌ ఆఫ్‌ అడ్రస్‌ రకూల్‌ ప్రీత్‌. కేవలం హాట్‌ అందాలకు మాత్రమేనా అంటే దాంతో పాటు లిప్‌ లాక్‌ లకు కూడ ఈ పిల్ల టూ స్పెషల్‌. అందుకే ఆ హిరో ఈ హీరో అనే తేడా లేకుండ ప్రతి హీరో ఛాయిస్‌ ఈ ముద్దుగుమ్మ నే అయ్యింది. అంతేకాదు వరుస సినిమాలతో హల్‌ చల్‌ చేస్తుంది. అంతేనా తన పెళ్లి గురించి ఇంట్రస్టింగ్‌ కబుర్లు కూడ చెప్పి టాలీవుడ్‌ ని మాయ చేస్తుంది.
ఈ టాలీవుడ్‌ క్రేజీ బ్యూటీ పెద్దలు కుదిర్చిన పెళ్లి చేసుకోదట. అలాగని ఇష్టమొచ్చిన వాడిని ప్రేమించి పెళ్లి చేసుకోదట. మరెలా అంటే.. ప్రేమించి ఆ ప్రేమను పెద్ద వాళ్లు అంగీకరించేలా చేసుకుని అప్పుడు పెళ్లి చేసుకుంటుందట ఈ భామ. ఇలా అందంగా చాలా చాలా పెళ్లి ముచ్చట్లు చెప్పింది ఈ బ్యూటి.
మ్యారేజ్‌ మ్యాటర్స్‌ ఇలా చెప్పేస్తుందని ఇప్పుడే ఈ అమ్మడికి పెళ్లా అని ఫిక్స్‌ అవ్వకండి....ఎస్‌ ఇప్పుడప్పుడే అలాంటి ఉద్దేశాలు ఏమి లేవు
అంది..అంతేకాదు.. అసలు ఇప్పుడే కెరియర్‌ స్టార్ట్‌ చేశా అంటూ వయ్యారాలు పోయింది అమ్మడు. ఇక్కడితో అపిందా..టాలీవుడ్‌ హ్యాండ్‌ సమ్‌ పై మనసు
పరేసుకున్నా అని తాపిగా చెప్పింది వరుస సినిమాలతో టాలీవుడ్‌ ని ఏలేస్తున్న రకూల్‌ పనిలో పనిగా తన మనసులోని మాట ను బయట పెట్టింది...ఎస్‌ మహేష్‌ బాబుతో సినిమా చేయకుండా పెళ్లెలా చేసుకుంటా అంటూ సూపర్‌ స్టార్‌ పై తనకున్న అభిమానాన్ని తెలిపింది ఈ బ్యూటి...సో ఈ మాటలను బట్టి ఈ అమ్మడి నెక్ట్స్‌ టార్టెట్‌ మహేష్‌ అన్న ఫిక్స్‌ అయ్యిపోవచ్చు.
ఈ ఇయర్‌ లో జూనియర్‌ ఎన్‌.టి.ఆర్‌ తో నాన్నకు ప్రేమతో, అల్లు అర్జున్‌ తో సరైనోడు సినిమాల హిట్‌ అందుకున్న రకుల్‌ టాలీవుడ్‌ గోల్డెన్‌ లెగ్‌ అయ్యింది.
మొన్నటిదాకా ఓ మోస్తారు హీరోలతో చేసిన హీరోయిన్‌ ఇప్పుడు స్టార్‌ హీరోల పక్కన మాత్రమే అంటుంది. ప్రస్తుతం రాం చరణ్‌ తని ఒరువన్‌ రీమేక్‌ ధ వ
సినిమా చేస్తున్న రకుల్‌ ప్రీత్‌ సింగ్‌, రీసెంట్‌ గా సాయి ధరం తేజ్‌ సినిమాలో ఓకే అయ్యింది.
అంతేకాదు సరైనోడు సినిమాలో తను రాసుకున్న పాత్రకు తెర మీద జీవం పోసిందని రకుల్‌ ను తన తర్వాత సినిమాలో కూడా తీసుకున్నాడు దర్శకుడు
బోయపాటి శ్రీను. మరి ఈ రేంజ్‌ లో రేసుగుర్రంలా పరుగెడుతున్న అమ్మడి కెరియర్‌ చూస్తుంటే నిరంతరాయంగా మరో ఐదారేళ్లు దిగ్విజయంగా కొనసాగేలా
ఉంది. సో పెళ్లి గిల్లి లాంటివన్ని పక్కన పెట్టేసి రకుల్‌ కెరియర్‌ పై ద ష్టి సారిస్తే మంచింది. 

వెంకి 75 మూవీకి పూరి

తెలుగు సినిమాల్లో కాంబినేషన్‌ వర్కవుట్‌ అయినట్లు మరెక్కడా కాదు. ఇక సెన్సేషనల్‌ డైరెక్టర్‌ పూరీ జగన్నాథ్‌ పట్టుకొచ్చే కాంబినేషన్స్‌ మరింత
ఆసక్తికరంగా ఉంటూ అనౌన్స్‌మెంట్‌తోనే ఆసక్తి రేకెత్తిస్తుంటాయి. తాజాగా ఈ కోవలో పూరీ జగన్నాథ్‌ ఓ క్రేజీ కాంబినేషన్‌ను సెట్‌ చేశారు
హీరోలు తమ కెరీర్‌లో మైల్‌ స్టోన్‌ మూవీస్‌ను జాగ్రత్తగా ప్లాన్‌ చేసుకుంటారు. ముఖ్యంగా 50, 100, 150, 200వ సినిమాలు ఆ సంఖ్యకు చేరిన టైమ్‌లో
వాటిని గ్రాండ్‌గా వుండేలా స్కెచ్‌ వేసుకుంటారు. బాలక ష? 100వ చిత్రం 'గౌతమిపుత్ర శాతకరి?', చిరంజీవి 150వ మూవీ 'కత్తిలాంటోడు' చేస్తున్నారు.
తాజాగా విక్టరీ వెంకటేశ్‌ 75వ సినిమాకి చేరువవుతున్నాడు. ప్రస్తుతం మారుతి డైరెక్షన్‌లో రానుంది 'బాబు బంగారం' మూవీ 73వది. 74వ సినిమాని తుమ్మల కిషోర్‌ డైరెక్టర్‌ చేయనున్నట్లు టాక్‌. ఇందులో హీరోయిన్‌
కాజల్‌ అగర్వాల్‌. దీనికి సంబంధించి ప్రీ ప్రొడక్షన్‌ పనులు జరుగుతున్నాయి. ఇకపోతే 75వ చిత్రాన్ని పూరి జగన్నాథ్‌ చేయవచ్చనే టాక్‌ ఫిల్మ్‌ సర్కిల్‌లో
నడుస్తోంది. ఇటీవల పూరీ చెప్పిన స్టోరీ లైన్‌ బాగుండడంతో దాన్ని డెవలప్‌ చేయమని వెంకీ చెప్పినట్టు సమాచారం. నార్మల్‌గా క్రైమ్‌ తరహా చిత్రాలను పూరీ చేస్తాడని,
బహుశా ఇది 'ఘర్షణ 2' కావచ్చనే ప్రచారం సాగుతోంది. సీనియర్‌ హీరోల్లో ఒక్క నాగార్జునను మాత్రమే డైరెక్ట్‌ చేసిన పూరీ, ఇప్పుడు వెంకీని డైరెక్ట్‌
చేయనుండడం విశేషంగా చెప్పుకోవచ్చు. ప్రస్తుతానికి పూరీ, వెంకీ రెండు రెండు సినిమాలతో బిజీగా ఉన్నారు. 

జోరుమీదున్న సరైనోడు

మంచి జోరు మీద దూసుకుపోతున్నాడు బన్ని..ఎప్పుడు కూల్‌ గా ఎంటర్‌ టైన్‌ చేసే అల్లు అర్జున్‌ ఇప్పుడు ఫుల్‌ మాస్‌ మాసాలా తో ఎంటర్‌
చేస్తున్నాడు..బోయపాటి డైరెక్షన్‌ లో సరైనోడిగా చెలరేగిపోతున్నాడు. క్లాస్‌ సెంటర్స్‌ లో సో సో గానే అలరించిన ఈ మూవి బి సి సెంటర్స్‌ లో మాత్రం
దుమ్మురేపుతుంది.
బన్నీ కోసం బోయపాటి క్లాస్‌ రూట్‌ లోకి వస్తాడేమో అనుకున్నా అలాంటి వింతలేవీ జరగలేదు. బన్నీనే తన రూట్‌ లోకి తెచ్చుకున్నాడుబన్నీతో ఐరెన్‌ బాల్‌ పట్టించి దుమ్ము లేపాడు బోయపాటి.ఇది బోయపాటి స్టయిల్‌ అనిపించాడు.ఇక అల్లు అర్జున్‌ ఈ మూవి లో తన దైన స్టయిల్‌ లో రెచ్చి పోయాడు ఇప్పుడు కలెక్షన్స్‌ తో దుమ్ము లేపుతున్నాడు.
స్టైలీష్‌ స్టార్‌ బన్నీ, మాస్‌ డైరక్టర్‌ బోయపాటి శీను కాంబినేషన్‌ లో వచ్చిన 'సరైనోడు' సినిమా, బాక్సాపీస్‌ వద్ద భారీ కలెక్షన్స్‌ ని కొల్లగొడుతుంది. కేవలం 3 రోజుల్లో దాదాపు 30 కోట్ల రూపాయల వరకూ కలెక్షన్స్‌ ని కొల్లగొట్టిన ఈ మూవీ.ఇప్పుడు సరికొత్త రికార్డ్స్‌ అంటూ పరుగుపెడుతుంది.
స్టైలిష్‌ స్టార్‌ అల్లుఅర్జున్‌ మాస్‌ డైరెక్టర్‌ బోయపాటి శ్రీను కాంబినేషన్‌ లో వచ్చిన 'సరైనోడు' సినిమాకి మొదట మిశ్రమ స్పందన వచ్చింది. కానీ
తర్వాత ఈ సినిమా అనుకున్న అంచనాలు చేరుకొని బాక్సాఫీస్‌ వద్ద హిట్‌గా నిలిచిందని ట్రేడ్‌ వర్గాలు తెలుపుతున్నారు. మొత్తానికి బన్ని మాత్రం
'సరైనోడు' చిత్రంతో నాలుగోసారి 50 కోట్ల క్లబ్‌లోకి చేరిపోయాడు.
సరైనోడు చిత్రం విడుదలైనపుడు ఈ చిత్రంపై మిశ్రమ స్పందన రావడం చిత్రంలో విపరీతమైన వైలెన్స్‌ ఉందని ప్రచారం జరిగింది. ఈ చిత్రం బాక్సాఫీస్‌ వద్ద
చతికిలపడిపోతుందని అంతా భావించారు. కానీ మెల్లి మెల్లిగా ఈ చిత్రంపై అభిప్రాయం మరోలా మారిపోయింది.
సరైనోడు రిజల్ట్‌ అందరు అనుకున్న దాని కన్న భిన్నంగా వస్తుండడంతో నిర్మాతతోపాటు డిస్ట్రిబ్యూటర్లు తెగ ఆనందంలో మునిగిపోతున్నారు. ప్రస్తుతానికి
ఈ చిత్రానికి భారీ సినిమాలు ఏవీ పోటీకి లేకపోవడంతో ఒక్క నైజాంలోనే పదిరోజుల్లో రూ.13.97 కోట్లు కలెక్షన్స్‌ దుమ్ము లేపింది. .. మొదటి వారంలోనే
యాబై కోట్ల మార్క్‌ ను అందుకొని సంచలనం స ష్టించాడు..
అంతే కాదు బన్ని కెరీర్‌ లో ఇదో పెద్ద హిట్‌ చిత్రమే అని చెప్పవొచ్చట. ఎప్పుడు స్టైలిష్‌ గా కనిపించే బన్నీ ఈ చిత్రంలో ఊర మాస్‌ లాగా కనిపించి
యాక్షన్స్‌ సీన్స్‌ కూడా ఓ రేంజ్‌ లో పండించగాలనని నిరూపించుకున్నాడు. అయితే ఇప్పుడు తాజాగా సరైనోడుతో బన్నీ కలెక్ట్‌ చేసిన రెండు వారాల
కలెక్షన్స్‌ కూడా చాలా బాగా ఉన్నాయి.ఇప్పుడు మనోడు 60 కోట్ల కలెక్షన్స్‌ అంటూ హంగామా చేస్తున్నాడు.ఇక రాబోయే రోజుల్లో ఏ సినిమా చూపిస్తాడో
చూడాలి. 

ఆదా శర్మకు బంపర్‌ ఆఫర్‌

హార్ట్‌ ఎటాక్‌ సినిమాతో ఎంట్రీ ఇచ్చి తన వాలు కనులతో కుర్రాళ్ల హార్ట్‌ బీట్‌ పెంచేసిన అదా శర్మ సినిమాలైతే చేస్తుంది కాని హిట్‌ మాత్రం కొట్టట్లేదు. అయితే
సడెన్‌ గా వచ్చిన ఓ సినిమా మాత్రం అమ్మడి ఎకౌంట్‌ లో ఓ సూపర్‌ హిట్‌ పడేలా చేసుకుంది.అదే ఇప్పుడు ఈ పిల్లకు మరో సూపర్‌ ఆఫర్‌ ని
తెచ్చిపెట్టింది.
హార్ట్‌ ఎటాక్‌ సినిమాతో అదా శర్మ ఆ సినిమాతో ప్రేక్షకుల మనసు గెలుచుకున్నా తర్వాత సరైన అవకాశాలను సంపాధించలేక పోయింది..అదాశర్మకు
తెలుగులో పెద్దగా అవకాశాలు మాత్రం రాలేదు... సన్నాఫ్‌ సత్యమూర్తిలో చిన్న రోల్‌ కావడంతో ఇది కూడా ఆమె కెరీర్‌ కు హెల్ప్‌ కాలేదు.
పిల్ల లో మ్యాటర్‌ వున్నా కాలం మాత్రం ఈ పిల్లకు సాత్‌ ఇవ్వలేదు..అంతేకాదు ప్రాతలను ఎన్నుకోవటం కూడ ఈ పిల్లకు చేత కాదు అనే విమర్శలు
వినిపించాయి..విమర్శలకు తగ్గట్టుగానే ఈ పిల్ల నటించిన సినిమాలు అన్ని సో సో మార్కులే వేయించుకున్నాయి...హాట్‌ అందాలు ఆరబోసిన గరమ్‌
కూడా ఈ పిల్ల కు హెల్ప్‌ కాలేదు.
బాలీవుడ్‌ నుండి వచ్చినా తెలుగు వాతావరణం బాగా నచ్చి ఇక్కడే సెటిల్‌ అయ్యేందుకు రెడి అయ్యిపోయింది ఈ పిల్ల అని అందరు ఫిక్స్‌
అయ్యారు..అయిన ఏం లాభం వరుస సినిమాలు చేస్తున్నా అమ్మడికి బ్రేక్‌ మాత్రం రాలేదు...చాలా రోజుల తరువాత నటించిన గరం మళ్లీ నిరాశ పరచగా
క్షణం పర్వాలేదనిపించుకుంది.. హిట్‌ తాలూకు పరిణామాల్లో తానెంత ఉపయోగపడిందో అనే దాని కన్నా అదా శర్మ చేసిన సినిమా బాక్సాఫీస్‌ దగ్గర కాసుల వర్షం కురిపించింది.
క్షణం అంటూ చేసిన ఓ చిన్న ప్రయత్నం సూపర్‌ హిట్‌ అయ్యింది. తన పాపను మిస్‌ చేసుకున్న తల్లి పాత్రలో అదా శర్మ తన అదుÄతే నటనను
ప్రదర్శించిందని చెప్పొచ్చు. అయితే ఇదే తనకు ఓ భారీ లక్కీ ఆఫర్‌ ను తెచ్చిపెట్టింది. తెలుగులో సూపర్‌ హిట్‌ అయిన క్షణం సినిమాను బాలీవుడ్లో భారీ
రేంజ్‌ లో నిర్మించాలనుకుంటున్నారు.
అదా శర్మ పరిశ్రమకు వచ్చి మూడు నాలుగేళ్లు కావొస్తున్నా తెరంగేట్రం చేసిన ఒక్క సినిమా తప్ప చేసిన సినిమాలన్ని ఫ్లాప్‌ అవుతూ వచ్చాయి. ఆఫర్లు
రాక వచ్చిన అవకాశాలనే చేసుకుంటూ వచ్చిన ఈ అమ్మడు హీరోయిన్‌ గా చేసినా ప్రేక్షకులు చూడలేని పరిస్థితి ..అలాంటి సిట్యూయేషన్‌ ని పూర్తిగా
మార్చేసింది క్షణం సినిమా.
ఏకంగా కండల వీరుడు సల్మాన్‌ ఖాన్‌ ఈ సినిమాలో హీరోగా నటించే అవకాశాలు కనిపిస్తున్నాయి. సల్మాన్‌ తన సొంత బ్యానర్లో ఈ సినిమాను
నిర్మిస్తున్నారు. ఇక హీరోయిన్‌ గా అదా శర్మనే సెలెక్ట్‌ చేశారని సమాచారం. అయితే తొలి సినిమా బాలీవుడ్లో చేసినా తెలుగులో ఆఫర్‌ రాగానే ఇక్కడకు
వచ్చిన అదా ఇక్కడే సెటిల్‌ అవ్వాలనే ఉద్దేశంతో సినిమాలైతే చేస్తుంది కాని అవి ప్రేక్షకులకు చేరువవ్వలేదు.
పరాెక్ట్‌ే ఫిగర్‌ కు ప్రతి రూపమైన అదాకు క్షణం హిట్‌ అయ్యి అదే బాలీవుడ్‌ ఆఫర్‌ ను తీసుకురావడం గొప్ప విషయం,. మరి బీ టౌన్లో అయినా
వరుసెంట హిట్‌ సినిమాలు చేయాలాని ఆకాంక్షిద్దాం. హిట్‌ మజాను ఎంజాయ్‌ చేస్తున్న అదా శర్మ ఇకనుండి సినిమాల విషయంలో ఆచితూచి
అడుగులేయాలనుకుంటుంది.

కబాలి రికార్డు

దేశంలో ఎందరో స్టార్లు ఉండొచ్చు.. కానీ 'సూపర్‌ స్టార్‌' మాత్రం తానొక్కడినే అని రుజువు చేస్తున్నాడు రజినీకాంత్‌. తన కొత్త సినిమా 'కబాలి' టీజర్‌ తో
ఇండియాలోనే ఆల్‌ టైం బిగ్గెస్ట్‌ ప్రీ రిలీజ్‌ బిజినెస్‌ చేసిన సినిమాగా ఓ కొత్త రికార్డ్‌ ను స ష్టిస్తుంది..
సౌత్‌ లో మోస్ట్‌ పాపులర్‌ హీరోల్లో సూపర్‌ స్టార్‌ రజినీకాంత్‌ ఒకరు, మిగిలిన హీరోలకు మార్కెట్‌ లేని మారుమూల చోట కూడా సూపర్‌ స్టార్‌ కి ఓ రేంజ్‌
ఫాలోయింగ్‌ ఉంది. అందుకే హిట్‌ కి ఫ్లాఫ్‌ కి సంభందం లేకుండా తన కెరీర్‌ ని శిఖరమంత ఎత్తుకు చేరేలా చేసుకున్నాడు సూపర్‌ స్టార్‌. రోబోతో అది నిజం
చేయగా తరువాత వచ్చిన సినిమాలు మాత్రం తీవ్ర నిరాశపరిచాయి.
90 కోట్లతో తెరకెక్కిన కొచ్చాడియాన్‌, 100 కోట్లతో తెరకెక్కిన లింగా సినిమాలు టోటల్‌ గా 50 కోట్లు, 67 కోట్లు మాత్రమే కలెక్ట్‌ చేసి ఆల్‌ టైం డిజస్టర్లుగా
నిలిచాయి. ఇలాంటి సమయంలో స్టార్‌ డైరెక్టర్‌ తో కాకుండా మద్రాస్‌ అనే చిన్న సినిమాతో ఇండస్ట్రీలోకి అడుగుపెట్టిన పా.రంజిత్‌ తో కబాలి మొదలుపెట్టాడు
రజినీ.
ఈ సినిమా టీజర్‌ రిలీజ్‌ అయ్యేవరకు ఎలాంటి అంచనాలు లేకున్నా టీజర్‌ స ష్టించిన రికార్డులతో ఇప్పుడు టోటల్‌ గా 150 కోట్ల ప్రీ రిలీజ్‌ బిజినెస్‌ చేసేటట్లు సమాచారం. ఇదే జరిగితే సౌత్‌ లోనే కాదు టోటల్‌ ఇండియాలోనే ఆల్‌ టైం బిగ్గెస్ట్‌ ప్రీ రిలీజ్‌ బిజినెస్‌ చేసిన సినిమాగా ఓ కొత్త రికార్డ్‌ ను స ష్టిస్తుంది. 

దిలీప్‌ కుమార్‌ కు అస్వస్థత

దిలీప్‌ కుమార్‌ కు అస్వస్థత

సెంట్రల్‌ డెస్క్‌, ఏప్రిల్‌ 16 :
ప్రముఖ బాలీవుడ్‌ నటుడు దిలీప్‌కుమార్‌ అస్వస్థతకు గురయ్యారు. శ్వాస తీసుకోవడం ఇబ్బదికరంగా మారడంతో కుటుంబ సభ్యులు ఆయన్ను ముంబయి శివారు బంద్రాలోని లీలావతి ఆసుపత్రికి తరలించారు. కొన్నేళ్లుగా దిలీప్‌కుమార్‌ వూపిరితిత్తుల సమస్యతో బాధపడుతున్నారు.ఇప్పుడు న్యూమోనియా కుడా వచ్చింది. ప్రస్తుతం ఆయన ఆరోగ్యం నిలకడగానే ఉందని, 72 గంటల పాటు తమ పర్యవేక్షణలో ఉంచనున్నట్లు వైద్యులు వెల్లడించారు. దిలీప్‌ కుమార్‌ అస్వస్థతకు గురయ్యారని తెలుసుకున్న ఆయన అభిమానులు లీలావతి ఆసుపత్రి వద్దకు తరలివచ్చారు. 93 ఏళ్ల దిలీప్‌ కుమార్‌ ఆరు దశాబ్దాలనుంచి హిందీ చిత్రసీమలో ఆగ్రతారగా వున్నారు. మధుమతి, దేవదాస్‌, ముఘల్‌-ఏ-అజాం, గంగా జమున, రాం ఐర్‌ శ్యాం, కర్మ లాంటి హిట్‌ చిత్రాల్లో నటించారు. భగ్న ప్రేమికుడిగా అయన తనదంటూ ముద్ర వేసారు. దిలీప్‌ కుమార్‌ కు 2015 లో పద్మవిభూషన్‌ పురస్కారం లభించింది. అంతకుముందు 1991 లో పద్మభూషన్‌, 1994 లో దాదాసహేబ్‌ పాల్కే అవార్డు లు తీసుకున్నారు. 

పైరసీ ధాటికి భాహు ' బలి '

పోలీసులను ఆశ్రయించిన రాజమౌళి.. ఫేస్‌బుక్‌, వాట్స్‌పలలో 13 నిమిషాల నిడివిగల దృశ్యాలు
ఎడిటింగ్‌, గ్రాఫిక్స్‌ సిబ్బందిపై అనుమానం.. ప్రశ్నిస్తున్న పోలీసులు.. వీడిన చిక్కుముడి?
పోలీసుల అదుపులో ప్రధాన నిందితుడు?.. 2,3 రోజుల్లో నిందితుల వివరాలు ప్రకటించే అవకాశం

ఆంధ్రజ్యోతి, హైదరాబాద్‌ సిటీ: సినిమాలను పట్టిపీడిస్తున్న పైరసీ భూతం మరింతగా జడలు విప్పుకొంది! ఒకప్పుడు సినిమా విడుదలైన 2, 3 రోజుల్లో కెమెరా ప్రింట్లు బయటకి వస్తే.. ఇప్పుడు సినిమా విడుదల కాకముందే ప్రతిష్ఠాత్మక చిత్రాల్లోని దృశ్యాలు లీకయిపోతుండటం ఆందోళన కలిగిస్తోంది. రెండేళ్ల క్రితం ‘అత్తారింటికి దారేది’ చిత్రానికి ఈ పరిస్థితి ఎదురుకాగా.. తాజాగా హిట్‌ చిత్రాల దర్శకుడు రాజమౌళి చేపట్టిన భారీ చిత్రం ‘బాహుబలి’కీ అదే పరిస్థితి ఎదురైంది. ఆ సినిమా ప్రథమార్థంలో అత్యంత కీలకమైనదిగా భావిస్తున్న 13 నిమిషాల వీడియో ఆన్‌లైన్‌లో లీక్‌ అయిపోవడంతో చిత్ర యూనిట్‌ నివ్వెరపోయింది. తొలుత ఈ సన్నివేశాలు ఆన్‌లైన్‌లో లీక్‌ అయ్యాయని తెలియగానే బాహుబలి టెక్నికల్‌ టీం రంగంలోకి దిగి నిమిషాల వ్యవధిలో ఆ వీడియోలను తొలగించి వేసింది.

కానీ, ఆ కాస్త వ్యవధిలోనే వాటిని కొందరు డౌన్‌లోడ్‌ చేసుకోవడంతో ప్రస్తుతం ఆ వీడియో ఫేస్‌బుక్‌, వాట్సప్‌ వంటి సామాజిక మాధ్యమాల ద్వారా విస్తృతంగా వ్యాప్తిలోకి వెళ్లిపోయింది. దీనిపై దర్శకుడు రాజమౌళి సీసీఎస్‌ పోలీసులకు ఫిర్యాదు చేశారు. నాలుగు రోజుల క్రితమే ఫిర్యాదు అందినప్పటికీ పోలీసులు ఈ విషయాన్ని అత్యంత గోప్యంగా ఉంచారు. ‘బాహుబలి’ షూటింగ్‌ దాదాపుగా పూర్తి కావస్తోంది. దీనికి సంబంధించిన ఎడిటింగ్‌ వర్క్‌ నడుస్తోంది. ఎడిటింగ్‌ యూనిట్‌ సిబ్బందే ఈ సన్నివేశాలను బయటకు తీసుకెళ్లారని అనుమానం వ్యక్తమవుతోంది. అలాగే ఈ చిత్రంలో గ్రాఫిక్సూ భారీగానే ఉన్నాయి. ఈ పనిని నగరంలో ప్రముఖ గ్రాఫిక్స్‌ కంపెనీకి అప్పగించారు. ఇక్కడి నుంచీ సన్నివేశాలు లీకయ్యే అవకాశాలు ఉన్నాయని పోలీసులు అనుమానిస్తున్నారు. కేసు నమోదు చేసిన సీసీఎస్‌ పోలీసులు ఎడిటింగ్‌ విభాగంలో పనిచేస్తున్న మొత్తం పది మందిని రహస్యంగా విచారిస్తున్నారు. అన్ని కోణాల్లో దర్యాప్తు చేస్తున్న సైబర్‌ క్రైం పోలీసులు కేసు చిక్కుముడిని దాదాపు విప్పేశారని తెలిసింది. గ్రాఫిక్స్‌ వర్క్‌ను దక్కించుకున్న కంపెనీలో పనిచేసిన మాజీ ఉద్యోగి ‘లీకేజీ’కి సూత్రధారి అని తేలినట్టు సమాచారం.

అయితే, పోలీసులు దీన్ని ధ్రువీకరించట్లేదు. అతడు ప్రస్తుతం పోలీసుల అదుపులో ఉన్నాడని విశ్వసనీయ వర్గాల ద్వారా తెలిసింది. ‘బాహుబలి’ లీక్‌పై దర్శకుడు రాజమౌళి తీవ్ర ఆగ్రహంతో ఉన్నట్టు సమాచారం. లీకైన సన్నివేశాలన్నీ చిత్రం మొదటిభాగంలో కీలమైనవి కావడమే ఇందుకు కారణమని తెలుస్తోంది. రాజమౌళి ఈ చిత్రంలోని ఒక్క సన్నివేశమూ బయటకు వెళ్లకుండా జాగ్రత్తలు తీసుకున్నారు. గతంలో చిత్రాన్ని రీళ్ల రూపంలో థియేటర్లకు పంపేవారు. కానీ, ప్రస్తుతం చిప్‌లలో రికార్డ్‌ చేస్తున్నందున ఆ చిప్‌లు బయటకు వెళ్లకుండా ఉండటానికి ప్రత్యేక ఏర్పాట్లు చేశారు. బయటివారు షూటింగ్‌ జరిగే చోటుకు రాకుండా యూనిట్‌ సిబ్బందికి ఐడెంటిటీ కార్డులు జారీ చేశారు. ఎన్ని జాగ్రత్తలు తీసుకున్నా ఉపయోగం లేకపోయింది. కాగా.. రెండు రోజుల్లో పోలీసులు అధికారికంగా నిందితుల వివరాలను ప్రకటించే అవకాశం ఉంది.

ఆసక్తి తగ్గిందా.?

టాలీవుడ్‌లో తన కెరీర్‌పరంగా సరైన హిట్స్ లేకపోయినా కూడా హీరోయిన్‌గా మంచి క్రేజ్ తెచ్చుకున్న హాట్‌భామకు ఈమధ్య టాలీవుడ్‌లో సినిమాలు చేయాలనే ఆలోచన లేనట్టు తెలిసింది. తెలుగులో సినిమాలు చేయాలని లేదని చెబుతున్న ఈ భామ ఎవరో కాదు తాప్సి. ఆమధ్య దర్శకేంద్రుడు కె.రాఘవేంద్రరావు దర్శకత్వంలో వచ్చిన ‘జుమ్మంది నాదం’ సినిమాతో హీరోయిన్‌గా ఎంట్రీ ఇచ్చిన ఈ భామ తెలుగులో చాలా సినిమాలే నటించింది. అయినా మంచి కమర్షియల్ హిట్ రాలేదు. దాంతో ఇప్పుడు హిందీలో వరుసగా సినిమాలు చేస్తోంది... దాంతో ఈమె కూడా ఇలియానా దారిలో తెలుగు సినిమాలపై ఆసక్తి

ఇదే చివరి సినిమా అయినా ఫర్వాలేదనుకున్నాను - విక్రమ్‌

వైవిధ్యమైన పాత్రలు ఏరికోరి ఎంచుకొనే నటుల్లో కమల్‌ తరువాత స్థానం విక్రమ్‌దే. ‘శివపుత్రుడు’, ‘అపరిచితుడు’, ‘నాన్న’ వంటి చిత్రాలతో తిరుగులేని నటుడిగా నిరూపించుకున్న విక్రమ్‌ ఇప్పుడు ‘ఐ’తో మరోసారి భారతీయ సినీ ప్రేక్షకుల్ని సంభ్రమాశ్చర్యాల్లో ముంచెత్తేందుకు సిద్ధమవుతున్నారు. శంకర్‌ దర్శకత్వంలో ఆస్కార్‌ రవిచంద్రన్‌ నిర్మించిన ఈ భారీ చిత్రం బుధవారం విడుదలవుతోంది. ఈ సందర్భంగా ‘ఐ’ గురించి చియాన్‌ విక్రమ్‌ చిత్రజ్యోతికి చెప్పిన విశేషాలు మీ కోసం...
శంకర్‌ ‘ఐ’ కథ చెప్పిన వెంటనే మీకేమనిపించింది.
సూపర్‌... చితక్కొట్టేశారు అనిపించింది (నవ్వుతూ..).
ఇందులో మీ క్యారెక్టర్లని ఛాలెంజ్‌గా తీసుకుని చేశారా?
ఛాలెంజ్‌గా తీసుకున్నాను అనేకంటే నటుడిగా ఆ పాత్రల్ని ఎంతో ఆస్వాదించాను అని చెబితే కరెక్టుగా ఉంటుంది. వైవిధ్యమైన క్యారెక్టర్లు చేయడమంటే నాకు చాలా ఇష్టం. అలాంటిది ‘ఐ’లో ఒకేసారి మూడు భిన్న క్యారెక్టర్లు చేసే అవకాశం రావడం నాకు మరింత ఉత్సాహాన్నిచ్చింది. కష్టం కంటే సంతృప్తినిచ్చిందే ఎక్కువ.
ఈ సినిమా కోసం మీరు చాలా రిస్క్‌ తీసుకున్నారు. మీ ఆహార ్యం చూసి విక్రమ్‌ ఇలా అయిపోయారేంటి అనిసాధారణ ప్రేక్షకుల సైతం బాధపడ్డారు. ఇంత రిస్క్‌ అవసరమంటారా?
నిజమే కానివ్వండి.. ఇలాంటి సినిమా కోసం ఎటువంటి రిస్క్‌ చేసినా ఫర్వాలేద నిపించింది. అందుకే చేసేశాను. సినిమా చూసిన తరువాత మీరే చెబుతారు ఎందుకు అంత రిస్క్‌ చేశానో! ఒక్కమాటలో చెప్పాలంటే ! ఇదే చివరి సినిమా అయినా ఫర్వాలేదనుకుని నటించాను. హాలీవుడ్‌ నటీనటులు చేస్తున్నప్పుడు మనమెందుకు చేయలేమని అనిపించింది. ఖచ్చితంగా మనం కూడా ట్రై చేయాలని చేశాను. ఎలా ఉందో మీరే చెప్పాలి.
మిమ్మల్ని మీరు తెరపై చూసినప్పుడు ఎలా ఫీలయ్యారు?
ఆ పాత్రల్లో ఉండే పవర్‌.. నేను చేసిన మరే పాత్రలోనూ ఫీలవ్వలేదు. నటించేకొద్దీ ఆ పాత్రలపై ఇష్టం పెరిగిపోయింది.
జాతీయ అవార్డు ఆశిస్తున్నారా?
వస్తే బాగుంటుందనుకుంటున్నాను.
మీ తరువాత చిత్రం ‘పత్తు ఎండ్రత్తుకుల్ల’ ఎలా ఉండబోతుంది?
యాక్షన్‌ ఓరియెంటెడ్‌ కమర్షియల్‌ మూవీ. అన్ని వర్గాల ప్రేక్షకులకి నచ్చేలా ఉంటుంది.
‘ఐ’లాంటి సినిమా తరువాత మీరు చేయబోయే సినిమాలు ఇలానే ఉండాలని భావిస్తున్నారా?
అలాంటిదేమి లేదు. వైవిధ్యంగా ఉంటే చాలు, చిన్న సినిమా అయినా, పెద్ద సినిమా చేయడానికి నేను సిద్ధమే.
చైనాలో షూటింగ్‌ మీకు బాగా నచ్చిందని విన్నాం?
అవును. నిజం చెప్పాలంటే ప్రపంచంలోని అందమైన ప్రదేశాలు చైనాలోనే ఉన్నాయనిపించింది. పీసీ శ్రీరాం అంత గొప్పగా చైనా అందాలను తెరకెక్కించారు.
మీరు పోషించిన పాత్రలకు గొప్ప పేరు వచ్చి, ఆ సినిమాలు పరాజయం పాలైన సందర్భాలు చాలా ఉన్నాయి. మీకు ఏది ముఖ్యం... సినిమా విజయమా? మీ పాత్రకు పేరా?
నాకు రెండూ కావాలి... నా పాత్రకు మంచి పేరు రావాలి, సినిమా గొప్ప విజయం సాధించాలి. ఒక్కోసారి మన ప్రయత్నాలు సఫలం కాకపోవచ్చు. ఒక్కోసారి మనం ఊహించకుండానే విజయాలు పొందవచ్చు. ఇదీ అంతే.
శంకర్‌ దర్శకత్వంలో మళ్లీ నటించాలనుకుంటున్నారా?
తప్పకుండా. ‘ఐ’తో నటుడిగా నా కల నిజమైనట్టనిపించింది. మరోసారి శంకర్‌ దర్శకత్వంలో అవకాశం వస్తే తప్పక నటిస్తాను.
తెలుగులోను మీకు చాలా క్రేజ్‌ ఉంది. మరి తెలుగులో డైరెక్టు సినిమాలో నటించకపోవడానికి కారణం ఏంటి?
నిజానికి తమిళంలోనే టైం దొరకడం లేదు. ఇక తెలుగులో అంటారా... భాష నాకు పెద్ద ప్రాబ్లం కాదు. ఎప్పుడు చేస్తానో తెలీదు కానీ, తప్పకుండా తెలుగులో డైరెక్టు సినిమా చేస్తా.